WQ Osam Gucure
Abaaraa Dhulkii lagu saliday aad ahoo ba,ane
Omos baa ka kacay Kaymihii uduga weynaaye
Haday Ubaxyo laac weyn lahayd laga awaareeye
Wixii Ayro Geel foofi jirey aaga laga waaye
Ahminkii ka madhey Reerihii aad ahaan jireye
Isha biligleh Maatida Raqdii ku ag wareegaysa
Umulaha sedkoodii go,ye oon la ledi waayey
Ooniyo haraad loo dhintiyo Sebiga ooyaaya
Ilmadooda waa lagu gubtaa yowmka aakhiro,e
kuwii loo igmadey Maatadee amarka loo dhiibey
Arinkoodu waa Boqoradii waa la aaminaye
Ee Oosha wada moodey teeda ay ku istareexdaaye
Ee markii ergada loogu tegey yaabtay amakaage
Ee aayaruun Beeshii tidhi Keega iibsada
Hanti ururso mooyee wax kale kuma itaalaane
Aduun waxay ku bixiyaan Xaflado aabohood go,ye
Islaam baa lamoodaa ninyohow guudka oogada,e
Arxankiina waa laga masaxay saad u aragtaane
Waxay ku andacoodaan majiro kaar aloosaniye
Ololuhu markuu taaganyee Codad la eegaayo
Afarqaad waxaa lagu tagaa Aag walbiyo Buure
Markase ay Abaaruhu dhacaan laysu iman waaye
Ambad weeye Muusiyo Raguu soo agaasimey
WQ Osam Gucure
