Cayaaro-(Berberanews)-Liverpool ayaa lagu soo waramayaa in aanay diyaar u ahayn in ay bixiso mushaharka Mohamed Salah, taasoo albaabka u furaysa ka bixista.
Ciyaaryahanka heerka caalami ee dalka Masar Salah ayaa ku jira 18-kii bilood ee ugu dambeeyay qandaraaskiisa, isagoo ku kacaya in ka badan 200,000 oo ginni isbuucii, welina wax heshiis kordhin ah umuu saxiixin Liverpool.
Salah ayaa wadahadalo kula jiray Liverpool in muddo ah iyadoo Reds ay dooneysay inay sii haysato gooldhaliyaha ugu sarreeya Premier League.
Sida laga soo xigtay The Telegraph, ismari waa uu sii socon karaa in muddo ah iyadoo Liverpool aanay haatan diyaar u ahayn inay buuxiso shuruudaha mushaharka Salah, wax kasta oo ay noqon karaan.
Liverpool si cad ugamay doodin Salah si toos ah ugamay jawaabin hadaladii uu ku sheegay in codsigiisa mushaharka uu yahay mid macquul ah.
Laakiin wali lamuu kulmin iyaga, iyagoo soo jeedinaya in waqtiga Salah ee Anfield laga yaabo inuu dhammaanayo.
Salah ayaa dhawaan ka hadlay heshiiska uu kula jiro Liverpool isaga oo sheegay in aanu “wax waaliya waydiin”.
“Waxaan rabaa inaan joogo, laakiin kuma jirto gacmahayga,” ayuu yidhi.
“Waxay ku jirtaa gacantooda, way garanayaan waxa aan doonayo, ma waydiinayo wax waaliya, arintu waa marka aad wax waydiisato oo ay ku tusaan inay wax ku siin karaan” ayuu yidhi Saalax oo waraysi siiyay GQ.
