Ceerigaabo (WHB) – Isku-duwaha Wasaaradda Beeraha ee gobolka Sanaag Axmed Maxamed Maxamuud oo ay wehelinayeen badhasaab ku-xigeenka Gobolka Sanaag Jaamac Maxamuud Warsame iyo Maayir ku-xigeenka Ceerigaabo Cabdiraxmaan Gaadhi-jiid, ayaa xadhigga ka jaray xarun loogu talo-galay Siidhka Beeraha, kaasi oo ay hirgelisay Jaamacadda Sanaag.
Xaruntan oo muhiim ah, qaybna ka ah dedaallada kor loogu qaadayo Wax soo-saarka Beeraha ee gobolka Sanaag, ayaa Masuuliyiinta xadhigga ka jaray soo dhaweeyeen
Isku-duwaha Wasaaradda Horumarinta Beeraha ee gobolka Sanaag Axmed Maxamed Maxamuud oo halkaas ka hadlay, ayaa sheegay in ka Wasaarad ahaan soo dhaweynayaa Xarunta Siidhka ee Jaamacadda gobolka Sanaag hirgelisay.
Isku-duwuhu wuxuu ku amaanay Maamulka Jaamacadda Sanaag dedaalka ay geliyeen xarunta Siidhka, waxaanu sheegay in Wasaaradda Beeruhu ay arrintan u aragto mid dhiirigelinaysa kor u qaadidda wax soo-saarka Beeraha ee Gobolka Sanaag iyo guud ahaan Somaliland.
…………….
Madaxa Xafiiska Warbaahinta Ee Wasaaradda Horumarinta Beeraha Somaliland
Cabdiqaadir A. Carab
![](https://i0.wp.com/www.berberanews.net/wp-content/uploads/2024/05/fb_img_17151741868965751233725346220198.jpg?resize=696%2C465&ssl=1)
![](https://i0.wp.com/www.berberanews.net/wp-content/uploads/2024/05/fb_img_1715174188750697256125976804778.jpg?resize=300%2C200&ssl=1)