Hargeysa-(Berberanews)-Sammaynta qalabka Hidaha iyo Dhaqanka aynu u leenahay waa xirfad gabaabsi ku dhow oo dadkii ehelka u ahaa ay ku kala foofeen shaqooyin kala duwan oo ay ka barteen nolosha, qaarkoodna iskuulo u galeen.
Wadan kastaa wuxuu ku faanaa waxa uu Hidaha iyo Dhaqanka u leeyahay ee u gaarka ah oo ah awoodda laga qiyaaso wax-soo-saarka iyo ilbaxnimada bulsho kasta oo caalamka ku nool.
Hadaba, markaynu u milicsano agabka Hidaha iyo Dhaqanka ee Somaliland caanka ku ahayn waxaa kuu soo baxaysa inay bulshadeenu lumiyeen doorkii ay ku lahaayeen ilaalinta iyo soo-saarka agabkaas oo maanta gabaabsi ku dhow.
Taasoo ay kow ka tahay isbedelka hab-nololeedka bulshada oo dadkii ehelka u ahaa ama yaqaannay sammaynta agabka Hidaha iyo Dhaqanku u hayaameen magaalooyinka waaweyn oo ay ka heleen fursado oo ka duwan tii ay asal ahaan yaqaaneen.
Weriye Sidiiq Maxamed Burma oo ka mid ah weriyayaasha faro-ku-tiriska ah ee u kuurgala arrimaha bulshada, oo ka hawlgala Idaacadda Radio Hargeysa,ayaa u kuurgalay oo barnaamij ka soo diyaariyay koox dhallinyaro ah oo magaalada Hargeysa ku sameeya qalabkii dhaqanka oo dhan. Sida kooraha, mooyayaasha, fandhaalada xeedhooyinka iww.
Hadaba, warbixintaas oo aad u qiime badan halkan Hoose ka dhegayso.
Berberanews.com
