Qubane-(Berberanews)-Isku buuqa oo caafimaadka dadka aad ugu xun, ayaa sidoo kale waxyeelo iyo faa’iidaba u yeesha xidhiidhka ummadda kale qofku la leeyahay sida cilmi-baadhis ay sameeyeen khubaro heer caalami ah xaqiijisay.
Ragga iyo dumarka ayaa dabeecado kala duwan la yimaad marka isku buuqu ku dhaco, halka raggu noqdaan qaar bakhayliin ah oo waxa naftoodu tidhaa uun ku dhaqaaqa sida ay ogaadeen khubaradu.
Cilmi-badhayaashu waxay sheegeen in haweenku noqdaan qaar caaddiifiyiin ah oo aad u calool jilicsan, naxariistuna ku badato marka isku buuqu ku dhaco, waayo inta badan waa qaar awoodda in ay dhibaatooyinkooda la wadagaan, guushooduna ku xidhnaato in caawimo ay ka helaan dad kale.
Daraasaddu waxay intaa ku dartay in ragga ay ku adkaato inay caawimo waydiistaan dadka kale marka isku buuqu ku dhaco, halka haweenku isku buuqa kaga baxaan caawimo ay ka helaan shaqsiyaad kale oo la taliya.
Mr. Giorgia Silaqni oo ka socday Mac-hadka Caaamiga ah ee Daraasadaha Talyaaniga (International School for Advanced Studies of Trieste), ayaa xusay in ragga ay ku adkaato inay dadka kale la xidhiidhaan, talana ka qataan, isla markaana bakhayl noqdaan.
Cilmi-badhayaal kale oo ka tirsan jaamacadaha Vienna iyo University of Freiburg, ayaa cilmi-baadhistooda ku sheegay in ragga iyo dumarka ay cadhada iyo isku buuqu si kala duwan u saameeyaan, maskaxdooduna amarro kala duwan bixiso.
