Turkey-(Berberanews)-Qaramada Midoobay ayaa ka beddeshay magaca dalka jamhuuriyada Turkiga ee ururka “Turkiga” waxayna u bedeshay “Turkiye”, ka dib codsi ka yimid Ankara oo ku saabsan isbedelka.
Afhayeen u hadlay Qaramada Midoobay Stephane Dujarric ayaa sheegay in warqad Arbacadii laga helay wasiirka arrimaha dibadda ee Turkiga Mevlut Cavusoglu oo ku socota xoghayaha guud ee Qaramada Midoobay Antonio Guterres, taasoo looga codsanayo in loo isticmaalo “Turkiye” halkii “Turkiga” loo isticmaali lahaa.
Afhayeenku waxa uu sheegay in magaca bedelka dalku uu dhaqan galay laga soo bilaabo markii warqadda la helay.
Cavusoglu ayaa salaasadii ku dhawaaqay warqadda si rasmi ah loogu gudbiyay Qaramada Midoobay iyo hay’adaha kale ee caalamiga ah.
“Anagoo kaashanayna Agaasinka Isgaadhsiinta, waxaan ku guuleysanay inaan u diyaarino gogol wanaagsan arrintan,” ayaa lagu yidhi warqadda.
“Waxaan u suurtagelinay Qaramada Midoobay iyo hay’adaha kale ee caalamiga ah, dalalku inay arkaan isbedelkan isticmaalka ‘Turkiye’,” Cavusoglu ayaa u sheegay wakaalada Anadolu.
Turkiga ayaa bishii December bilaabay in uu magaca rasmiga ah ee Ingiriisida ee caalamku aqoonsan yahay uu u beddelo Turkiye bishii December ka dib markii madaxweynaha Turkiga Recep Tayyip Erdogan uu soo saaray qoraal uu kaga codsaday shacabka in ay Turkiga u adeegsadaan in ay ku sifeeyaan waddanka luuqad kasta.
“Turkiye waxa loo aqbalay dalladda dalkeenna ee goobaha qaranka iyo kuwa caalamiga ah,” ayuu yidhi Erdogan wakhtigaas. “Turkiga waa matalaada iyo muujinta ugu wanaagsan ee dhaqanka, ilbaxnimada iyo qiyamka dadka Turkiga.”
Erdogan ayaa sidoo kale kula taliyay shirkadaha inay u adeegsadaan “lagu sameeyay Turkiga” alaabahooda la dhoofiyo, wuxuuna faray hay’adaha dawliga ah inay u adeegsadaan Turkiga waraaqahooda.
