Afrika-(Berberanewa)-Jamhuuriyadda Badhtamaha Afrika (CAR) waxay Bitcoin u ansixisay hindise sharci ah – oo ah waddankii labaad ee sidaas sameeya.
CAR waa mid ka mid ah dalalka ugu saboolsan adduunka, laakiin waxay qani ku tahay dheeman, dahab iyo uranium.
Waxaa hadheeyay iskahorimaadyo tobanaan sano ah, waana saaxiib dhow oo Ruush ah, iyadoo calooshood u shaqeystayaal ka socda kooxda Wagner ay gacan ka geystaan la dagaalanka xoogagga mucaaradka.
Sharci-dajiyayaashu waxay si aqlabiyad ah ugu codeeyeen in Bitcoin ay noqoto hindise sharci ah, ayaa lagu yidhi bayaan ka soo baxay madaxtooyada CAR.
Talaabadan ayaa CAR ku dhejinaysa khariidadda wadamada aduunka ugu geesisan uguna aragtida badan”, ayay tidhi
El Salvador wuxuu noqday waddankii ugu horreeyay ee qaata Bitcoin lacag rasmi ah Sebtember 2021 – tallaabadaas oo ay dhaleeceeyeen dhaqaaleyahanno badan, oo ay ku jiraan Sanduuqa Lacagta Adduunka ee IMF, oo sheegay in ay kordhisay khatarta xasilloonida maaliyadeed.
Kuwo kale ayaa kor u qaaday cabsida laga qabo in lacagaha loo yaqaan ‘cryptocurrencies’ sida Bitcoin ay u sahlayso dambiilayaasha inay lacag dhaqdaan, iyo inay waxyeelo u geystaan deegaanka sababtoo ah waxay isticmaalaan koronto badan si ay u dhaliyaan.
Intarneetka ayaa loo baahan yahay si loo isticmaalo cryptocurrency kasta laakiin sanadka 2019, kaliya 4% dadka ku nool CAR ayaa marin u helay shabakada, sida laga soo xigtay mareegaha WorldData.
Wadanku hadda waxa uu lacag ahaan u isticmaalaa faransiiska uu taageero ee CFA, oo ay la socdaan inta badan dalalkii uu Faransiisku hore u gumaysan jiray ee Afrika.
Qaar ayaa u arka qaadashada Bitcoin inay tahay isku day lagu doonayo in lagu wiiqo CFA, iyadoo lagu jiro loolan loogu jiro saameynta dalka kheyraadka leh ee u dhexeeya Ruushka iyo Faransiiska.
“Xaaladda, marka la eego musuqmaasuqa nidaamka iyo lammaanaha Ruushka ee wajahaya cunaqabataynta caalamiga ah, waxay dhiirigelinaysaa shakiga,” Falanqeeyaha Faransiiska Thierry Virculon ayaa u sheegay wakaaladda wararka ee AFP.
Magaalada caasimadda ah ee Bangui, jawaabtu waxay ahayd mid kala duwan.
Dhaqaaleyahan Yann Daworo ayaa BBC Afrique u sheegay inay nolosha fududayn doonto, maadaama wax kala iibsiga lagu samayn karo telefoonnada casriga ah oo ay fududahay in Bitcoin loo beddelo lacag kale.
“Ganacsatada ma sii socon doonto in ay la socdaan shandado CFA franc ah oo ay tahay in loo beddelo dollar ama lacag kale si ay wax uga soo iibsadaan dibadda,” ayuu yidhi.
Berberanews.com
