Pakistan-(Berberanews)-Maamulka Taliban ayaa u digay Pakistan Sabtidii ka dib markii shan carruur ah iyo haweeney lagu dilay Afgaanistaan oo lagu eedeeyay weeraro gantaallo ah oo ciidamada Pakistan ay ku qaadeen weerar subaxnimadii hore ee xadka.
“Imaarada Islaamiga ah ee Afqaanistaan waxay si adag u cambaareyneysaa duqeynta iyo weerarka ka dhacay dhanka Pakistaan ee ciidda Afqaanistaan,” ayuu yidhi afhayeenka xukuumadda Zabihullah Mujahid oo warfidiyeenka la hadlay.
“Tani waa arxan darro waxayna waddada u xaadhaysaa cadaawadda u dhaxaysa Afgaanistaan iyo Pakistan… Waxaan isticmaaleynaa dhammaan xulashooyinka si aan uga hortagno soo noqnoqda (weerarradan) waxaanan ku baaqaynaa in madax-bannaanidayada la ixtiraamo,” ayuu yidhi.
“Dhinaca Pakistan waa inay ogaadaan in haddii dagaalku bilaabmo aanay dani ugu jirin dhinacna. Waxay keeni doontaa xasillooni darro ka dhacda gobolka.”
Saraakiisha ciidamada Pakistan ayaan ilaa hadda wax war ah laga helin. Boqolaal rayid ah oo reer Khost ah ayaa isugu soo baxay waddooyinka iyagoo ku dhawaaqaya erayo ka dhan ah Pakistan Sabtidii.
Xiisadda xadka ee Pakistan iyo Afgaanistaan ayaa sare u kacday tan iyo markii Taliban ay la wareegeen awoodda sannadkii hore.
Islamabad ayaa ku andacoonaysa in kooxaha xagjirka ahi ay Pakistan kgaa soo qaadayaan weeraro dhulka Afgaanistaan.
Berberanews.com
Info@berberanews.com
