Nigeria-(Berberanews)-Mareykanka ayaa ansixiyay in ku dhawaad 1 bilyan oo doolar laga iibiyo hubka Nigeria ka dib markii sharci-dajiyayaal ay hakiyeen heshiiska walaaca laga qabo ku xadgudubka xuquuqda aadanaha ee suurtagalka ah ee dowladda Nigeria.
Bishii Luulyo, Guddiga Xidhiidhka Dibadda ee Senate-ka iyo Guddiga Arrimaha Dibadda ee Wakiilada waxay hakiyeen iibinta 12 AH-1Z Cobra helicopterrada weerarka ee uu sameeyay Bell Maalintii Khamiista, Waaxda Arrimaha Dibadda ee Mareykanka ayaa go’aan ku gaadhay inay ansixiso iibinta diyaaradaha helikobter-ka ee weerarka oo ku kacaya $997m.
“Iibkan la soo jeediyay wuxuu taageeri doonaa yoolalka siyaasadda dibadda iyo ujeedooyinka amniga qaranka ee Maraykanka iyada oo la hagaajinayo amniga lamaanaha istaraatiijiga ah ee ka hooseeya Saxaraha Afrika,” ayaa lagu yidhi bayaan ku saabsan iibka.
Nigeria waxa ay la dagaalantay kor u kaca tuugada hubaysan iyo afduubka madaxfurasho ahaan meelaha ay ciidamada amaanka la daalaa dhacayay si ay u xakameeyaan saamaynta kooxaha hubaysan.
Falanqeeyayaasha ayaa sidoo kale sheegay in duulaanka sii socda ee Ukraine uu horseedi karo in Nigeria ay ka hesho hubka Shiinaha sababo la xidhiidha cunaqabateynta saaran Ruushka iyo Belarus, kuwaas oo horey iskaashi militari ula lahaa gobolka Galbeedka Afrika.
Saraakiisha Maraykanka ayaa ka cawday “xoog xad dhaaf ah” oo ay ciidamada Nigeria ku hayaan dad rayid ah oo aan hubaysnayn waxayna ku baaqeen in la is xakameeyo ka dib markii askar bishii Oktoobar 2020 ay rasaas ku fureen dibadbaxayaal ka soo horjeeday waxashnimada booliiska Lagos.
Berberanews.com
Info@berberanews.com
