Hargeysa (Berbera news) Goobo ka mid ah Waddooyinka Caasimadda Hargeysa ayaa waxa buuxiyay qashin, kaas oo saamayn ku yeeshay Bilicadda Magaaladda.
Qashinkan ayaa tuulmay goobaha miyo-bareenadda ah ee ay maraan Biyaha Roobku, iyadda oo xiligana ay curaynayaan Roobabakii gu’ga, waxaana ka dhalan-kara Cuduradda ka dhasha Nadaafad-daradda Qashinkaasi buuxiyay goobahan.
Ilo-xogogaal ah ayaa sheegay in khilaaf u dhexeeya hogaanka sare ee Golaha Deegaanka Caasimadda Hargeysa uu sababay inuu hakaddo furitaanka kal-fadhgii 21-aad ee Golaha Deegaanka oo Todobaaddkii dhamaaday furmi-lahaa, waxaanu khilaafkani salka ku haya sidda ay tibaaxuhu sheegayaan is-faham la’aan Maamul oo u dhaxaysa Duqa Caasimadda Hargeysa Cabdiraxmaan Maxamuud Caydiid (Soltelco) iyo ku xigeenkiisa Cabdicasiis Maxamed Xaashi (Cagoweyne) , kuwaas oo khilaafkooddani sababay in aanu furmin kal-fadhigaasi oo lagaga doodi lahaa qorshayaal cusub oo Golaha Deegaanku ay ku dejisan lahaayeen kal-fadhigoodddaasi.
Golaha Deegaanka Hargeysa ayaa xilka haya muddo sanad iyo dheeraad ah, waxaanay xiligii ay ku jireen Ololihii Doorashaddii Golaha Deegaanka ee Dalka ka dhacday 28-kii November sanadkii 2012-kii ay Bulshadda codka kaga heleen inay wax ka qabanayaan Qashinka ay Caasimaddu wehelka u noqotay.
Berbera news/Hargeysa.
