Qalinkii CALI-MAHAD YUUSUF
Amin goor sheegtu tilmaamayso abaaro 9kii Subaxnimo oo wax dhiman ayaa Qaraxyo waaweyn oo is xigay ka dhaceen Sadex goobood oo kala ahaa Safaaradii Itoobiya, Xaruntii Hay’ada UNDP iyo Qasriga Madaxtooyada ee Hargeysa. Xaqiiqa ahaan wuxuu weerar Argagax leh Noociisuna aanu hore uga dhicin Somaliland. Dad aad u badan ayaana ku Naf waayey, halka tiro intaa ka badanina ku dhaawacantay.
Jugta Qaraxyadaas oo magaalada Hargeysa dhamaanteed laga wada maqlay waxay xaaladu isu bedeshay Jawahareer iyo khalkhal Ayaantaas oo ahayd Arbaca sida caadiga ahna loo balansanaa Shirkii Todobaadlaha ahaa ee Golaha Wasiirada waxaa judhiiba soo baxay war sheegaya in M/weynihii Dalka Madaxweyne-kuxigeenkii iyo Golihii Wasiiradu ay ku dhinteen Qaraxii Madaxtooyada ka dhacay. Balse waxaa warkaasi Beenoobay Markii uu Laanta Afsoomaaliga ee Idaacada BBCdu si toos ah u waraysatay. Madaxweynihii Waxaase cajiib ahayd dhacdo uu Weriye Axmed Siciid Cige ku qoray Buugiisa WARJIRE oo Page 105 kaga hadlayey Waraysigii uu doonaayay inuu la yeesho Madaxweyne Daahir Rayaale Kaahin. Inkastoo uu M/weynuhu ogolaa Waraysiga waxaase ka hor yimi Masuuliyiintii kale ee la joogtay. Oo diiday inuu Madaxweynuhu saxaafada la hadlo. Balse sida Axmed S.Cige qoray Xaaskii M/weynuhu Mawo Huda ayaa ku tidhi Weriyahaaa idinka saxsane waraysiga siiya hadii kale Beentaa Faafaysa. Hadalkaa M/weyne Daahir Rayaalena wuxuu meesha ka saaray warkii naxdinta lahaa ee hore u baxay.
