Ethiopia-(Berberanews)-Shir nabadeed caan ka ahaa dalka Itoobiya ayaa dib loo dhigay iyadoo ay weli socdaan isku dhacyo u dhaxeeya dowladda federaalka iyo dagaalyahanno ka soo jeeda qowmiyad weyn ee Amxaarada oo khalkhal gelinaya xasilloonida gobolka.
Madasha Sare ee Amniga ee Tana High-Level Forum on Security in Africa ayaa bayaan ay soo saartay Khamiista ku sheegtay in shirka sannadlaha ah ee hoggaamiyeyaasha Afrika, ee loo qorsheeyay Oktoobar, dib loogu celiyay Abril 2024 “daruufo aan la filayn.”
Madashan ayaa ka dhacda gobolka Axmaarada ee dalka Itoobiya, kaas oo ay ka dhaceen dagaallo bilihii lasoo dhaafay, iyadoo dawladda federaalku ay isku dayayso in ay hubka ka dhigto dagaalyahannada deegaanka ee xulafada u ahaa colaaddii labadii sano ee u dambaysay ka socotay gobolka Tigray ee dariska la ah.
Madasha Tana waxay isku tilmaantaa inay tahay madal loogu talagalay “xal Afrikaanku hogaamiyo oo lagaga baxo caqabadaha amni ee ugu daran ee qaaradda.”
Sannadihii u dambeeyay, qaar ka mid ah caqabadahaas ayaa ka dhacay dhabarka dambe ee madasha iyadoo xukuumadda Ra’iisul Wasaare Abiy Axmed ay la halgamayso sidii ay u xakamayn lahayd qawmiyadaha ka soo horjeeda dadaallada lagu doonayo in awoodda dhexe loo sameeyo.
