Iran-(Berberanews)-Madaxweynaha Ruushka Vladimir Putin ayaa dalka Iran ku jooga safarkiisii labaad ee dibadda ah tan iyo markii uu bilaabay duulaanka Ukraine bishii February.
Mr Putin ayaa kulamo la qaadanaya madaxweynaha Iran iyo hogaamiyaha ugu sareeya iyo sidoo kale madaxweynaha Turkiga Recep Tayyip Erdogan.
Dhoofinta hadhuudhka, Suuriya iyo iskahorimaadka Ukraine ayaa ajandaha ku jira.
Booqashadan ayaa ah fursad lagu sii xoojinayo xidhiidhka Iran, oo ka mid ah xulafada caalamiga ah ee Ruushka ee tirada yar.
Arrintan ayaa daba socota eedeymo ay saraakiisha Mareykanka u jeediyeen todobaadkii hore oo ahaa in Tehran ay qorsheyneyso in ay Ruushka siiso boqollaal diyaaradood oo aan duuliye lahayn si ay ugu dagaallamaan Ukraine.
Salaasadii, shirkadda tamarta ee Ruushka Gazprom ayaa heshiis horumarineed oo cusub oo ku kacaya $40m (£33m) la saxeexatay shirkadda saliidda ee dawladda Iran.
Ka dib kulankii uu la qaatay madaxweynaha Iran Ebrahim Raisi, Mr Putin waxa uu sheegay in xidhiidhka labada dal uu “uu ku socdo xawaare wanaagsan”.
Mr Putin ayaa sheegay in labada dal ay xoojinayaan xidhiidhka dhinacyada sida ammaanka caalamiga ah, ganacsiga iyo “xalinta xiisadda Suuriya”.
