UAE-(Berberanews)-Ra’iisul wasaaraha Israa’iil Naftali Bennett ayaa booqasho lama filaan ah ku tagay dalka Isutagga Imaaraadka Carabta iyadoo dadaallada lagu badbaadinayo heshiiska barnaamijka Nukliyeerka Iran uu weli hakad ku jiro xilli uu sii xumaanayo khilaafka u dhaxeeya Tehran.
Booqashada Bennett ee Khamiista waxay ahayd safarkiisii labaad ee Abu Dhabi tan iyo markii Israa’iil iyo Imaaraadku ay si rasmi ah u dejiyeen xidhiidhooda 2020 ka dib sannado badan.
Bayaan ka soo baxay xafiiska Bennett ayaa lagu sheegay in hogaamiyaha Israa’iil uu la kulmi doono madaxweynaha Imaaraadka Carabta Sheikh Mohamed bin Zayed Al Nahyan iyo in labadoodu ay ka wadahadli doonaan “arrimo kala duwan oo gobolka ah,” iyadoo Iran ay u badan tahay inay ugu horreyso ajandaha.
Warbixin muuqaal ah oo la duubay ka hor inta aanu dhoofin, Bennett waxa uu ku bogaadiyay wadamadii ka soo qayb galay shir ay ku yeesheen wakaalada tamarta nukliyeerka caalamiga ah ee ka dhacay caasimadda Austria ee Vienna Arbacadii, kuwaas oo u codeeyay in Iran lagu dhaleeceeyo hufnaanta ay ka leedahay hawlaha nukliyeerka. “Waxaan halkan ku aragnaa mawqif adag oo ay dalalka adduunku ka taagan yihiin kala soocidda wanaagga iyo xumaanta, iyagoo si cad u sheegaya in Iran ay qarinayso waxyaabaha. Arrintaas kama dayn doono,” ayuu yidhi ka hor inta aanu u dhoofin Imaaraadka Carabta.
Hay’adda IAEA ayaa Khamiistii sheegtay in Iran ay qorsheyneyso inay sare u qaaddo tayeynta Uranium-keeda
Berberanews.net
Info@berberanews.com
