W/Q: Xuseen Aadan Cige (Deyr)
Nooc kasta iyo heer kasta oo ay yihiinba, Ciidamadeena Dirayska sidaa:
1. Waa iyaga kuwa inoo suurto geliyey in aynu ku seexano nolol nabad iyo deggenaansho leh;
2. Waa iyaga kuwa inoo suurto geliyey in ay caruurteenu iskuullada ku tagaan kalsooni iyo cabsi la’aan;
3. Waa iyaga kuwa inoo suurto geliyey in aynu hiigsano horumar nololeed oo heer kastaba leh;
4. Waa iyaga kuwa inoo suurto geliyey in aynu ka hodmano ganacsi iyo tijaarad kala duwan;
5. Waa iyaga kuwa inoo suurto geliyey in Qarankeenu ku taagnaado lugo adag;
6. Waa iyaga kuwa inoo suurto geliyey in aynu si xor ah u dooran karno cidda aynu ku aaminayno hoggaaminta Qarankeena, iyaga oo aan wax fara gelin ah ku samaynin;
INTA AYNU U BAAHANAHAYBA WAY U BAAHAN YIHIIN!!
Muwaadin, ma og tahay in Ciidamadeena Qalabka sidaa ay u baahan yihiin inta aad u baahan tahayba?
Inta Dirayska inoo siddaa:
• Waxay u baahan yihiin in caruurtoodu ay helaan waxbarasho tayo leh oo ay awoodi karaan;
• Waxay u baahan yihiin in qoysaskoodu ay helaan daryeel caafimaad oo ay awoodi karaan;
• Waxay u baahan yihiin in ay helaan hoy ama guryo ay kiradooda awoodi karaan;
Waxan aaminsanahay in Quruxda iyo Haybadda Ciidamadeenu ay tahay Quruxda Qarankeena.
Waxan aaminsanahay in Daryeelka Ciidamadeenu ay tahay Degenaanshaha Qarankeena.
Ugu dambayntii, muwaadin waa in aynu si dhab ah u ogaano in inta Dirayska inoo siddaa ay inaga mudan yihiin xurmayn, xaq dhowr iyo xaq siinba.
HA NOOLAADAAN CIIDAMADA QALABKA SIDA EE JAMHUURIYADDA SOMALILAND.
