US-(Berberanews)-Quwadaha reer galbeedka ayaa salaasadii uga digay Ruushka burburinta heshiis ku dhowaa in la dhammeeyo ee ku saabsan in Mareykanka iyo Iran ay dib ugu soo laabtaan heshiiskii nukliyeerka ee 2015, iyadoo wada xaajoodaha ugu sarreeya Iran lagu wado inuu ka soo laabto wadatashiga Tehraan.
Kow iyo toban bilood oo wadahadal ah oo lagu soo celinayo heshiiskii cunaqabataynta looga qaaday Iran si looga hortago barnaamijkeeda Nukliyeerka ayaa gaadhay heerkiisii ugu dambeeyay.
Laakin waxa ay ku cakireen dalab daqiiqadihii ugu dambeeyay ka yimid Ruushka oo dammaanad ka helayay Mareykanka in cunaqabateynta reer galbeedka ee ku wajahan Moscow duulaanka Ukraine aanay saameyn ku yeelan doonin ganacsigeeda Iran.
Ku-xigeenka Xoghayaha Arrimaha Dibedda ee Maraykanka ee dhinaca siyaasadda Victoria Nuland ayaa sheegtay in Ruushku uu raadinayo inuu faa’iidooyin dheeraad ah ka helo ka qaybgalka dadaalka lagu soo celinayo heshiiskii Nukliyeerka, balse ma guulaysan doono.
“Ruushku waxa uu isku dayayaa in uu kor u qaado oo uu ballaadhiyo dalabaadkiisa ku saabsan (heshiiska nukliyeerka) mana ciyaareyno ‘Aan sameyno heshiis’,” Nuland, oo ah lambarka 3 ee Diblomaasiga Mareykanka, ayaa u sheegay dhageysiga Guddiga Xidhiidhka Dibadda ee Senate-ka.
Wada xaajoodka sare ee Iran Ali Bagheri Kani ayaa ku soo laabanaya Vienna Arbacada ka dib markii uu si lama filaan ah ugu laabtay Tehran Isniintii si uu wadatashi ula yeesho.
Isku duwaha wadahadalada, Enrique Mora oo ka tirsan Midowga Yurub, ayaa sheegay Isniintii in la gaadhay waqtigii go’aannada siyaasadeed ee la qaadan lahaa si loo dhammeeyo wada xaajoodka.
Iran ayaa isku dayday in ay meesha ka saarto dhammaan cunaqabataynta, waxayna Maraykanka ka doonaysaa dammaanad ah in aanay mar dambe ka bixi doonin heshiiska, ka dib markii uu Maraykanka.
Madaxweyne Donald Trump ayaa ka baxay heshiiska 2018-kii, wuxuuna dib u soo rogay cunaqabateyn.
Diblumaasiyiinta ayaa sheegay ilaa hadda in dhowr farqi oo kala duwanaansho ay weli u baahan yihiin in laga gudbo wadahadallada, oo ay ku jiraan ilaa xadka cunaqabateynta saaran Iran, gaar ahaan ilaaladeeda kacaanka ah, dib loogu celinayo iyo waxa dammaanad qaadka ah ee Washington ay siin doonto haddii ay mar kale dib uga soo noqoto heshiiska Iran.
Labo mas’uul oo reer galbeed ah ayaa sheegay in hadda qoraalkii ugu dambeeyay uu miiska saaran yahay, arrimahaasna la xaliyay.
Moscow waxay sheegtay burburka suurtagalka ah ee shaqada wadaxaajoodka, iyadoo bilo wadahadal aan toos ahayn oo Tehran iyo Washington ku dhexmaray Vienna ay u muuqdeen inay heshiis ku socdaan, iyadoo Lavrov uu sheegay in cunaqabataynta reer galbeedka ee Ukraine ay caqabad ku noqotay heshiiskii nukliyeerka.
