Nin u dhashey dalka Iran, ayaa waxaa soo wajahay wadno xanuun aad u daran, kadib markii uu ogaadey in laga cafiyey xukun dil toogasho ahaa, iyadoo uu diley ruux 18 sano kahor maxbuuskani, sida uu qorey wargeys ay maamusho dowladda Iiraan.
Wargeysku wuxuu sheegay in Akbar oo 55 jir ah, oo kasoo jeeda koonfurta Iiraan la xidhey 18 sano kahor, isagoo lagu eedeeyey dil badheedh ah.
Kadib markii uu ogaadey iney cafiyeen qoyska dhibanaha, isla markaana aanan lagu fulin doonin ciqaab dil ah, Akbar waxaa soo wajahay wadno xanuun, kadib markii uu aad u farxey ,wuuna dhintay, sida uu qorey wargeyska.
Jariidada oo soo xiganaysa ilo xog ogaal ah oo arrintan la xidhiidha, ayaa sheegay in Akbar sanado badan uu ka walwal sanaa cabsi ah in lagu fuliyo ciqaabka dilka, taasoo kasoo bilaabatey illaa iyo markii ay dadiisu aheyd 37 sano jir.
Wararka intaa ku daraya in mas’uuliyiin katirsan guddiga xalinta khilaafaadka ee gobolka, iney ku guuleysteen iney qoyska dhibanaha ku qanciyeen in la cafiyo Akbar, balse uu geeriyooday kahor inta aan lasii deyn.
@Bbc Somali
