Ankara -(Berberanews)-Baarlamaanka Turkiga, ayaa ansixiyey mooshin lagu dalbanayo in la kordhiyo muddada ciidammada dalkaas ka jooga Gacanka Cadmeed, Soomaaliya iyo Badda Carabta ilaa 10-ka February ee sannadka 2023.
Mooshinkan oo Baarlamaanka Turkigu meelmariyey maanta, ayaa oggolaanaya baddaahaasi la geeyo maraakiibta dagaal iyo kuwa ganacsi ee ku xidhan Turkiga ee ku socdaalaya gobolka iyo ka qaybqaadashada hawlgallada wadajirka ah ee ka dhanka ah budhcad-badeedda, falalka budhcadnimada hubaysan iyo ka-hortagga kooxaha argagixisada ayaa la xaqiijiyey.
Waxay intaa ku dareen in taageeridda hawlaha gargaarka bani’aadantinimo ee goobtan ay ka qaybqaadanayso kordhinta hufnaanta hawleed iyo khibradda ay qaybaha ciidammada badda ee Turkigu u leeyihiin gobolka.
Tan iyo markii ugu horreysay ee uu ansixiyo Baarlamaanka Turkigu sannadkii 2008-dii, waxa muddada joogistooda la kordhiyey ilaa 13 jeer. Gacanka Cadmeed oo u dhow Yemen, sidoo kalena u dhow Bab al-Mandab oo ah marinka afraad ee ugu weyn adduunka ee saliidda, waana waddo istiraatiiji ah oo ay saliidda caydhiin u marto Bariga Dhexe.
