Saudi-(Berberanews)-Sacuudi Carabiya ayaa isha ku haysa isbeddellada lagu maamulayo heesta calanka iyo calanka cagaaran, kaas oo ay ku xardhan tahay seef iyo caqiidada Islaamka (Laa Ilaaha Ila Laah Muxamada Rasuulu Laah) oo ah meesha ay ku dhalatay.
Gelinkii dambe ee isniinta, golaha shuurada ee boqortooyada ee aan la dooran ayaa u codeeyay isbedel, sida ay sheegtay warbaahinta dowladda. Waxay ku soo beegantay iyadoo dhaxal sugaha da’da yar ee dalkaas uu xoogga saaray dhalashada Sucuudiga iyo hanka qarannimo.
Iyadoo go’aannada goluhu aanay wax saamayn ah ku lahayn shuruucdii iyo qaab-dhismeedkii jiray, haddana codku waa mid muhiim ah, sababtoo ah xubnahooda waxaa soo magacaabaya boqorka, go’aanadoodana waxay u badan yihiin inay ku xishan yihiin hoggaanka.
Warbaahinta kale ee xidhiidhka la leh dowladda ayaa sheegtay in isbedelladan ay door bidayaan in wax laga beddelo nidaamka lagu maamulo calanka, hal-ku-dhegga iyo heesta calanka,. Goluhu ma aanu shaacin faah faahin dheeri ah.
Warbaahinta maxalliga ah ayaa sidoo kale sheegtay in isbeddellada la soo jeediyay looga golleeyahay in si cad loo qeexo isticmaalka habboon ee astaanta qaranka, wacyigelinta ku saabsan muhiimadda calanka iyo heesta calanka iyo in calanka laga ilaaliyo xad-gudub ama dayac.
Todobaadki hore booliska Sacuudiga ayaa xidhay afar nin oo u dhashay dalka Bangaladesh, kadib markii ay ku xad gudbeen calanka Sacuudiga oo sita caqiidada Islaamka, kadib markii lagu eedeeyay inay ku shubeen qashin.
Wakaaladda wararka Sucuudiga ee ay dawladdu maamusho ayaa ku warrantay kaliya in golaha shuurada ay u codeeyeen in la ansixiyo wax ka bedel qabyo ah oo lagu sameeyay wareegtada boqortooyadu ee ku dhawaad 50 sano jirsatay ee lagu maamulayay calanka.
Wax ka beddelka waxaa soo jeediyay Saad al-Otaibi oo xubin ka ah golaha, waxaana daraasad ku sameeyay guddi-hoosaad ka hor inta aan xubnaha golaha laga doodin.
Maqnaanshaha saxafada xorta ah, warbaahinta dowladda ee xidhiidhka la leh ayaa heshay aragti dheeraad ah soo jeedinta Golaha Shuurada ee xeer hoosaadka calanka iyo heesta, kaasoo loo gudbin doono Boqor Salmaan si uu u tixgeliyo.
Shabakadda wararka ee Ashraq Al-Awsat iyo Sabq ee maalinlaha ah ayaa sheegtay in fikraddan ay ka dhalatay isbeddellada degdegga ah ee boqortooyadu ku tallaabsatay sannadihii u dambeeyay. Kuwaas waxaa ka mid ah isbeddelada sharciga jira ee lagu taageerayo yoolalka iyo hindisayaasha Hiigsiga 2030 – mashruuca hamiga ah ee dhaxalsugaha ee mashruuca qaran ee dib-u-habeynta dhaqaalaha Sacuudiga oo uu ka dhigo mid adkeysi leh marka loo eego isbeddelka qiimaha saliidda iyo tamarta waarta.
Berberanews.com
Info@berberanews.com
