USA-(Berberanews)-In ka badan 80 urur oo Muslimiin ah ayaa Isniintii warqad u diray waaxda cadaaladda ee dalka Mareykanka, iyagoo ka dalbaday inay baadhitaan ku sameyso urur ka dhan ah Muslimiinta.
Warqadan oo uu qalinka ku duugay Golaha Xidhiidhka Islaamka ee Maraykanka (CAIR), ayaa lagu waydiisanayaa in dawladdu ay baadhitaan ku samayso Mashruuca Baadhitaanka Argagixisada (IPT), oo ah urur aan faa’iido doon ahayn oo lagu eedeeyay inay lacag siisay moles si ay u basaasaan ururada Muslimiinta, oo ay ku jirto CAIR, lana shaqaynaysay Dawladda Israa’iil.
Waxa la ogaaday bishii Decembar in agaasimihii hore ee fulinta ee CAIR-Ohio, Romin Iqbal, uu IPT ula shaqaynayey basaas ahaan in ka badan 10 sano, sida ay sheegtay CAIR.
Xafiiska qaranka ee CAIR, ee Washington D.C., ayaa marti galiyay shir jaraa’id oo galabnimadii salaasada taasoo ku boorinaysa dawlada dhexe inay ogaato in IPT ay jabisay sharciga markii ay la shaqaynaysay Iqbal si ay u hesho duubista shirarka CAIR, emailafa gudaha iyo qorshayaasha istaraatiijiga ah.
IPT waxaa la aasaasay 1995, waxaana aasaasay Steven Emerson, suxufi hore iyo khabiir, wuxuuna xaruntiisu tahay Washington, D.C.
“Miyay jabiyeen sharciga?” Edward Axmed Mitchell, agaasime ku xigeenka hay’adda CAIR ee heer qaran, ayaa intii uu shirka jaraa’id ku jiray waydiiyay. “Taasi maaha in aan go’aan ka gaadhno, taasi waa in waaxda cadaaladda ay go’aamiso.”
Ismahaan Cabdullaahi, oo la hadashay Muslim American Society, ayaa sheegtay in badhtilmaameedku aanu ahayn wax ku cusub bulshada Muslimiinta ah, balse in muddada IPT ay ku wiiqday ururrada Muslimiinta ay tahay “wax la quudhsado.”
“Haddii ay ku dhici lahayd bulsho kale, hubaal waxaa jiri lahayd qaylo, aamusnaantana hubaal waa dhego-qabsasho,” ayuu yidhi Cabdullaahi.
Berberanews.com
Info@berberanews.com
