Sudan-(Berbetanews)-Ciidamada ammaanka ee Suudaan ayaa dilay saddex qof oo mudaaharaadayay magaalada caasimadda ah ee Khartoum intii uu socday mudaaharaad ay ku dalbanayeen xukun rayid ah, ku dhawaad saddex bilood ka dib afgambi militari, sida ay sheegeen dhakhaatiirta.
Labo mudaaharaadayaal ah ayaa Isniintii lagu dilay magaalada Khartoum – mid waxaa laga toogtay xabadka halka kan kalena madaxa laga toogtay, sida ay sheegeen golaha dhexe ee Dhakhaatiirta Suudaan.
Midka saddexaad ayaa lagu dilay magaalada Wad Madani ee koonfurta Khartoum, iyadoo rasaastu ay kaga dhacday madaxa iyo garabka, sida ay sheegeen guddiga.
Dhimashadii u dambaysay ayaa ka dhigaysa 76 tirada mudaaharaadayaasha lagu dilay hawlgalkii lagaga soo horjeeday mudaharaadyada afgambiga, sida ay dhakhaatiirtu sheegeen.
“Dadkeennu waxay u mudaaharaadayaan si nabad ah waxayna isticmaalayaan dhammaan noocyada iska caabin aan rabshad lahayn oo ku wajahan waddan xor ah, dimuqraadi ah iyo caddaalad, kaliya in ay la kulmaan milatariga dambiyada ugu xun,” kooxda dhakhaatiirta ayaa tidhi.
Ciidamada ammaanka ee Suudaan ayaa sidoo kale ku tuuray sunta dadka ka ilmeysiisa, bambooyinka gacanta laga tuuro iyo bambaanooyinka biyaha cas oo ay ku buufiyeen dad mudaaharaadayay Isniintii, xilli ay isku dayeen in ay u dhaqaaqaan dhanka xarunta madaxtooyada ee Khartoum.
Berberanews.com
Info@berberanews.com
