USA-(Berberanews)-Madaxweynaha Mareykanka Joe Biden ayaa ra’iisul wasaaraha Itoobiya Abiy Axmed kala hadlay sii socoshada colaadda ka jirta dalkaas, wuxuuna walaac ka muujiyay dadka lagu hayo xaaladda degdegga ah, sida uu sheegay Aqalka Cad.
Biden waxa uu sidoo kale soo qaaday walaaca ku saabsan dhimashada dadka rayidka ah ee duqeymaha cirka ee u dambeeyay, waxaana uu xaqiijiyay sida ay Mareykanka uga go’an tahay in ay ka barbar shaqeeyaan Midowga Afrika iyo saaxiibada kale ee gobolka si ay gacan uga geystaan xalinta khilaafka.
Madaxweynaha Mareykanka ayaa Abiy ku ammaanay sii deynta dhowr maxaabiis siyaasadeed oo dhawaan laga sii daayay, waxayna labada hoggaamiye ka wadahadleen sidii loo dardargelin lahaa wada-hadallada ku saabsan xabbad-joojin laga wada-hadlo, oo degdegga ah si loo horumariyo gargaarka bani’aadamnimo ee Itoobiya oo dhan, ayuu yidhi Aqalka Cad.
Abiy ayaa bartiisa Twitter-ka ku sheegay in uu la yeeshay wadahadal “si hufan” Biden “oo ku saabsanaa arrimaha hadda ka taagan Itoobiya, xidhiidhka labada dal iyo sidoo kale arrimaha gobolka”
Berberanews.com
Info@berberanews.com
