Muqdisho -(Berberanews)-Guddoomiyihii Guddida Doorashooyinka heer Fedaraal ee dawladda Soomaaliya Mr. Maxamed Xasan Cirro, ayaa si kedis ah xilka looga qaaday galabta.
Xubno ka tirsan Guddiga Doorashada oo uu shir-guddoominayey guddoomiye-ku-xigeenka Mr Mowliid Mataan oo kulan ku yeeshay magaalada Muqdisho galabta, ayaa ku dhawaaqay go’aan ay xilka kaga qaadeen guddoomiyihii guddigooda Mr Maxamed Xasan Cirro oo fadhiga ka maqnaa.
18 xubnood oo ka mid Guddida Doorashada dawladda taagta daran ee Soomaaliya, ayaa fadhi ay ku yeesheen magaalada Muqdisho, waxa ay xilka kaga qaadeen guddoomiyihii guddigooda oo ay ku eedeeyeen musuqmaasuq iyo arrimo kale.
Xubnaha Guddida Doorashada Federaalka Soomaaliya, ayaa ku eedeeyey Guddoomiye Cirro inuu noqday shaqsi si weyn ugu ku dhex milmay arrimaha siyaasadda, musuqmaasuq, xil-gudasho la’aan, isla markaana aan la tashan xubnaha kale ee guddiga.
Guddoomiye-ku-xigeenka Guddiga Doorashada Heer Fedaraal Mr. Mowliid Mataan oo warbaahinta la hadlay galabta, ayaa sheegay inay xilkii si rasmi ah uga qaadeen guddoomiyahoodii, kadib baadhis ay waqti dheer ku samaynayeen oo ay ku ogaadeen in aannu xilkaas gudan karin.
Xubnaha Guddida Doorashada Federaalka ee xilka ka qaaday guddoomiyahoodii, ayaa sheegay inay si degdeg ah u dooran doonaan guddoomiye cusub.
Xil-ka-qaadista Guddoomiyaha ayaa timi xilli ay ski kordhayaan walaaca laga qabo hannaanka loo maamulayo doorashooyinka mugdiga badan hadheeyey ee baarlamaanka Soomaaliya oo dhinacyo kala duwan ku sifeeyeen doorasho boob ku salaysan.
Berberanews.com
Info@berberanews.com
Ugu yaraan 16 qof ayaa ku dhintay kadib markii doon ay saarnaayeen ay ku rogmatay jasiirada Giriiga ee Paros ee badhtamaha badda Aegean jimcihii, waana musiibadii saddexaad ee badda oo ay ku lug leeyihiin tahriibayaal todobaadkan, sida ay sheegeen ilaalada xeebaha ee dalkaasi.
Maamulka ayaa isku dayay howlgalo baadi goob iyo samatabbixin ah habeen habeenimo waqooyi galbeed ee Paros.
Hantida cirka iyo badda ayaa la geeyey aagga, sida ay sheegeen ilaalada xeebaha. Giriiga ayaa ka mid ah marinnada ugu muhiimsan ee soo gala Midowga Yurub ee muhaajiriinta iyo qaxootiga ka imaanaya Afrika, Bariga Dhexe iyo kuwa kale, inkastoo qulqulka qulqulka uu hoos u dhacay tan iyo 2015-2016, markaasoo in ka badan hal milyan oo qof ay u gudbeen waddanka dalalka kale ee Midowga Yurub.
Wakaaladda wararka Athens ee dalkaasi ayaa sheegtay in meydadka 12 rag ah, 3 dumar ah iyo ilmo yar laga soo saaray goobta. 80-ruux ayaa la rumeysan yahay inay la socdeen doonidaasi, iyadoo sida ay sheegeen ilaalada xeebaha la rumeysan yahay inuu ka yimid dalka Turkiga kuna sii jeeday dalka Talyaaniga. Ma cadda xaaladaha uu markabka ku rogmaday. Giannis Plakiotakis, wasiirka maraakiibta ee Giriiga, ayaa sheegay in kooxaha wax tahriibiya ay mas’uul ka yihiin masiibooyinka.
