Boorama (Berbera news) Guddoomiyaha Golaha deegaanka ahna Duqa Degmadda Boorama Saleebaan Xasan Xadi ayaa ka hadlay xadhiga Xildhibaano ka tirsan Golaha Deegaanka Boorama oo Ciidamadda Amaanku ay Xabsiga u taxaabeen, kuwaas oo loo xidhay Rabshado Shalay ka dhacay Magaaladda Boorama.
Maayirka oo maanta Warbaahinta kula hadlay Magaaladda Boorama waxa uu Dhalinayaradda ku dhaqan Magaaladaasi ugu baaqay inay Nabad-gelyadda ilaaliyaan.
Waxaana hadaladiisii ka mid ahaa “Xildhibaanaddu Xasaanad-bay leeyihiin, Maamuus iyo Sharaf-bay leeyihiin in la ilaaliyaana waa waajib Qof aan Dambi gelina Deel-qaafbuu u arkayaa marka Gacan khaldani ku dhacdo, hase-yeeshee waa mid aanu ka wadda-hadalnay Maamulka iyo Masuuliyiinta timid Gobolka Awdal. Xalay (Habeen hore) ayaanu ku balansanayn in aanu iskaga nimaadno maadaama oo ay Xili dambe ahayd oo aanan Wakhtigaasi ka hawl-geli karaynin, kolay marka uu hawl-gal jirana Go’aamo badan-baa soo baxaya kii aanu ku balansanayn maahee Go’aan kale ayaa soo bixi-kara , markaa Go’aan dambe aanan la socon-baa yimid oo lagu qaaday , Waagu marka uu barynayna waxaanu ku warhelnayn in Xildhibaanadda la raaciyay Dhalinyaraddii la xidhay.”
Guddoomiyaha Golaha Deegaanka Booram Saleebaan Xasan Xadi waxa uu ku baaqay inay Dhalinayraddu ay ilaaliso Nabad-gelyadda, waxaanu yidhi “Dhalinyaradda Boorama waa Dhalinyar aad isku maqasha, waa Dhalinyar degan ilaa haddana wadda shaqaynta aanu leenahay aad bay u fiican tahay 100%, waxaan ku waaninayaa inay Nabadgeylada Magaaladda ilaaliyaan oo ay nagala shaqeeyaan sidii awalba ay noogala shaqaynayeen, wixii iyaga Deel-qaaf ku ahna inay si togan u sheegaan oo ay yidhaahdaan waxaas ayaa nalagu sameeyay oo dhibaatadda ay sheegtaan, laakiin Dhagax la tuur-tuuro iyo Mudaharaad la sameeyaa macano badan ma samaynayaan, inkasta oo aanay Mudaharaad samayn. Warbaahintana waxaan leeyahay yaan la buun-buuni waxaan jirin.” ayuu yidhi Guddoomiyaha Golaha degaanka Boorama.
Berbera news/Boorama.
