Wax kasta oo bilowdaa waxay ku bilowdaan sabab waxay leeyihiin ujeedo waxaana ka danbeeya dad ay maskaxdooda ka timid oo dareenkooda ka soo fushay ama tiraab ha noqoto ama tacliin ha noqoto ama tignoolajiyad ha noqoto ama taariikh ha noqotee wax kastaa meel lagu tilmaamo ayay leedahay oo ay ka soo unkatay laguna ogyahay laguna taariikheeyo.
Sidaa wada ognahay mudooyinkan waxaa shabakadaha soomaaliga lagu qoro ku badnaa Silsilada Sugaaneeda xiisaha badan ee Sallaamaley la yidhaahdo silsiladdan oo uu daah furay Abwaanka da’da yare ee Abwaan Xasan Faarax Abiib(Xasandaaci) Gabayga la magac baxay “Sallaamaley” ee silsilada loogu magac daray ahna Gudoomiyaha Golaha abwaanada ardayda suudaan Abwaanka ayaa bilaabay gabay siinleey ah oo uu kaga hadlayey marxaladihii kala duwanaa iyo dhibaatooyinkii colaadaha iyo abaaraha lahaa ee Somaliland soo martay iyo hadafka siyaasadeed ee Gooni isu taaga Somaliland Inay xaq u leedahay in hanaankeeda iyo horumarkeeda aan la xagal daacin gabaygii uu bilaabay xasan halkaas kuma sinaane ee waxaa soo galay rag saaxiibadiisa oo dunida daafaheeda kala jooga gabaygii “Sammadoon” ayaa ku xigay oo isaguna xaal waran iyo wanaag sheeg ahaa ee uu tiriyey Khaliif Faarax xayir waxaa isna ku soo biiray o ku xigay Gabaygii “Saamax “ee uu Tiriyey Cabdiraxiin Hilowle labada gabay ee danbe waxay ka hadlayeen ummada soomaaliyeed ee ku hadasha af soomaaliga inaysan kala maarmin laysa saamaxo gebi ahaan lana noqdo dad isku duuban , heshiisku maaha in la midoobo kaliya laakiin haddii aan cuqdad iyo cilladi jirin waa la wada noolaan karaa iyada oo walaalo la yahay nin weliba waxuu doono ayuu noqon karaa ama Somaliland ama Somalia muhiimadu waa in bulshada soomaaliyeed ahaato dad walaalo ah ayay ku soo koobeen .
Haddaba Silsiladu kuma koobnaan nimankan isu Jawaabay ee waxaa lagu faafiyey Shabakadaha Af soomaliga waxaana loo furay Hal-abuurka soomaaliyeed oo dhan
Balse waxaa lagu saleeyey xeer iyo xad ayaa loo yeelay oo waxaa loo sameeyey albaab laga soo galo iyo hanaan looga qayb qaato waxaana ka qayb galay ilaa hadda 14 hal abuur iyada oo qaar kalena la hayo oo aan weli gabayadooda la shaacin ilaa hadda way u furantahay abwaanada soomaaliyeed balse waxaa lama huraan ah inay dhawraan shuruucda iyo qodobada loo baahanyahay.
Silsiladdan waxaan u ilaalinaynaa inaysan noqon mid dhibaato iyo xummaan iyo xiqdi iyo xasarad iyo baas abuur keenta, inay belaayo iyo dab iyo colaad hurin sidaas ayaan uga cudur daaranaynaa magac kasta iyo shaqsi kasta oo goonidiisa u qardajeexa inuusan saamayn nagu lahayn waxaa jira dad badan oo aan aqoon habdhaqanka suugaaneedka anshaxeeda iyo asluubta suugaaneed markaa hadday noqoto meel aan lahayn albaab laga soo galo iyo illaalo u gaara waxay noqonaysaa halkii subxaanyadii weeyaan cigaal oo dee qof weliba dho’diisa ayuu ridayaa awal hore abwaanadii hore iyo silsiladihii suugaaneed ma jirin xakame iyo xeer u gaar ah balse tani waxay kaga duwantahay inaysan ku salaysnayn qabyaalada ama xamaasad iyo gubaabooyinka dhaliya colaadaha ee ay tahay samo doon iyo xal raadis waxaa kale oo jirtay Abwaanadii hore way is yaqaaneen nin weliba gefkii galo iyo gabay ciniinkiisana iyo suugaan xumaantiisa isagay ku suntanayd haddase waxaa la isticaamalayaa aallado casriya oo qof keliya ayaa sagaal magac la bixi kara laysmana yaqaan dadka badidiisuna meel ma wada joogaan sidaa awgeed hurimayso in loo saaro guddi anshax iyo nidaam dhawris ah waa kuwan gabayadii ku baxay sifada sharciga kuwo kalena waan u haynaa bulshada af soomaaliga ku hadasha shaqsi kasta oo jecel suugaantana waan soo dhawaynaynaa qolo gaara uma oodna balse inaad fuliso qaanuunkeeda keliya ayaa loo baahan yahay soona mariso halka lagaa dalbaday inaad ku hagaajiso .
Waxaa silsiladan Faafinayey si joogta ah oo si joogta ah isugu duba ridayey Cabdiraxiin Hilowle Galayr oo isagu qaabilsanaa qaybta faafinta iyo u gudbinta warbaahinta af soomaaliga lagu qoro iyada oo gabay walba qofkii lahaa ku suntanyahay waxaa faafreebayey Xasan Faarax Abiib iyo Bashiir Maxamed Hersi oo turxaan bixinayey dhinac walba dhinaca anshaxa iyo asluub suugaaneedka iyo dhinaca higaada iyo khaafiyada iyo habdhaca gabayga in la waafajiyo shuruucdiisa intii awoodi gaadho ee laga samayn karo waxaana Gabay walba hoosta kala socday lifaaq odhanayaa halkaas ku hagaaji macluumaadkaaga taladaada iyo gabaygaaga .
Maxay ahayd sababta sidan loo sameeyey ujeedadu waxay ahayd inaysan Silsiladdani noqonin mid cillad iyo cudur iyo cadaafaadh reebta oo qabyaalad iyo qudhun iyo qabyaalad keenta balse ay ee ay noqoto masrax suugaaneed ay labadii Gobolee soomaaliyeed (Somaliland & Somalia) ee hadda siyaasadooda aadka u kala fogtahay Silsiladani waa mid ay ku wada xaajoonayaan fursada labaadna waxay tahay dhiirigelinta iyo kobcinta fanka iyo hal abuurka dhalinyarada soomaaliyeed fankooda iyo Hal abuurkooda kor loogu qaadayo si loo helo dhalinyaro bedesha Abwaanadii sharafta badnaa ee soomaaliyeed ee dhaxalka suugaaneed ee badan nooga tegay darna ilaa haatan noola taagan yihiin nin weliba aaraahdiisa iyo odhaahdiisa iyo Ra’yigiisa suugaaneed waa u xor keliya waa inuu dhawraa anshaxa suugaaneedka soomaaliyeed. Midhahaagu yey noqon kuwa samaha maanaca, mugdi geliya nabadoo iyo muusanoow daran , ku milgee aqoontaa ku macnee garaadkaa , ku maamuus habkeedii, ayaan leenahay dhamaan dadka ka qayb gelaya .
Waan ogayn inay dhacayso oo ay imanayso darjiidh iyo koox dhinac maraysa hanaanka loo sameeyey silsiladan waana tan keliftay inaan qoraalka ka samayno haddaba waxaan ka codsanyaa shabakadaha soomaaliyeed inaysan silsiladan taariikhiga ah u baas bixin oo ay naga saacidaan inay nala ilaaliyaan xuquuqda Suugaaneed iyo hanaanka nabaddeed iyo habdhaqanka Soomaaliyeed oo aanay wax aan maamulka Silsiladda soo marin aysan soo daabicin .
Waxaan ka cudurdaaranaynaa laba Gabay oo aan soo marin maamulka in la faafiyey waxay Silsiladani leedahay xeerbeegti iyo guddi ku hawlan ilaalinteeda iyo turxaanbixinteeda waxaaana Gabay weliba leeyahay Tiro ku cayiman oo uu qaato waxaa loo kala hormariyaa sidii abwaanadu usoo gudbiyeen iyo sida ay isugu jawaabayaan waxaa loo sameeyaa sharax iyo eray tilmaame waxaa isku xidhan gebi ahaan abwaanada ka qayb qaatay kuwo hore isu yaqaanay iyo kuwa Silsilada isku bartayba .
Haddaba Bahda Sallaamaley Abwaanada silsiladan ku jiraa ee ilaa hadda ka qayb qaatay waxay u soo jeedinayaan hal-abuurka soomaaliyeed inay ixtiraamaan shuruucda iyo xeerarka loo sameeyey silsiladan waxii garab maraana inaysan ku soo halqabsan adeegsana magaca silsilada Sallaamaley gebi ahaan dadka baalmaray xeerkeeda ee gabayada iyo geeraarada aan la soconin magaca Sallaamaley ku dabakhay jebiyeyna xeerkeeda waxaan leenahay nin kasta oo hal abuura way u furantahay balse fadlan raac xeer suugaaneedka iskuna kalsoonaw fekradaada xor baad u tahay laakiin anshaxa iyo asluubta suugaaneed waa lagula hubinayaa keliya , ilaa hadda waxaan haynaa laba Gabay oo si qaldan hawada u galay waan ka cudur daaranaynaa nama khuseeyaan kamana mid aha silsiladda ,mana aha Gabayo buuxiyey xeerkii suugaaneed ee silsilada Dhalinyarada samaysayna waxaan kula dardaarmaynaa inay soo maraan soona buuxiyaan shuruudaha looga baahan yahay Gabayada aan silsilada ku jirin waxaa ka mid ah Gabaygan la baxay (Salfududayd) waxaa ka jawaabaya aqristayaasha xiiseeyaa suugaanta gabaygaasi inuu buuxiyey xeerkii silsilada iyo inuu la jaanqaadi karoba waana kanee bogasho wacan lingaxa hoos ka eeg:
Waxaa kale oo jira Gabay hore oo u baxay oo aan lahayn magac gabaygaas ninka sameeyey wuu noo soo diray balse aan ka codsanay inuu soo saxo dhinaca miisaanka iyo khaafiyada hanaanka gabaygana soo hagaajiyo balse wuu ku adkaystay keligii baa faafiyey isaguna kama tirsana Silsilada Sallaamaley waana kan gabaygaasi
Gabayada baxay ee Sallaamaley
1. Gabaygii 1AAD Sallaamaley Abwaan Xasan Faarax Abiib (Xasandaaci)
2. Gabaygii 2AAD Sammadoon Abwaan Khaliif Faarax Xayir
3. Gabaygii 3AAD Saamax Cabdiraxiin Hilowle Galayr
4. Gabaygii 4AAD Sibraar qoyey Abwaan Xasan Faarax Abiib (Xasandaaci
5. Gabaygii 5AAD Saara Calankeena Abwaan Ahmed Xasan Xaayoow
6. Gabaygii 6AAD Sirdoon Abwaan Cilmi Axmed Faradheere
7. Gabaygii 7AAD Sarreeye Abwaan Cabdalla Maxamed Shiikh (BBC)
8. Gabaygii 8AAD Soomaaliweyn Abwaan Xasan Bulxan Cali (Bulxan
9. Gabaygii 9AAD Sasabo diid Abwaan Khadar Xasan Aadan (Khadar jinni)
10. Gabaygii 10AAD Sidigtii Maandeeq Abwaan Yaxye Xaashi Maxamed (Gaalkacayo)
11. Gabaygii 11AAD Sabaan tegay Abwaan Mustafe Xasan Nuur
12. Gabaygii 12AAD Sahan Abwaan Bashiir C/Raxmaan Diiriye(Quule)
13. Gabaygii 13AAD Saaka dhaley Abwaanad Farxiya Xuseen Cumar
14. Gabaygii 14AAD Sinnaan iyo Midnimo Abwaan Cabdiciis Maxamed (Xoogsade)
15. Gabaygii 15AAD Sallal Abwaanbad Safiya Aw axmed Xaji (Dhalkhayr)
Gabayada Silsilada ee baxay waa intaas waxaa loo kala hormariyaa sida ay u kala horeeyey iyo sida laysugu jawaabayo ee isu raacayaan dad ayaa isu xilsaaray kuna shuqlan maaha wax ciyaar iyo sheeko caruureed ah waxaan kale haddana aan gacanta ku haynaa ka badan 10 Gabay oo kale waxaanan mustaqabalka rajaynayaa inaan ka dhigno buug suugaaneed qoran oo lagu kaydiyo hal-abuurkan quruxda badan ee ay dhalinyarada soomaaliyeed ee rag iyo dumarba leh soo gudbiyeen waxaan leenahay shabakadaha soomaalida fadlan waxii aan khusayn ama aad is tidhaahdaan waa meel ka dhac ka ilaaliya Silsiladan waad mahadsan tihiin
Waxaa soo saaray qoraalkan
Gudiga dhawrista iyo kaydinta Silsilada
Abwaan Xasan faarax Abiib
Bashiir M. Her (Diraac)
Cabdiraxiin Hilowle Galayr
Waxaad kala xidhiidh kartaa Emailadan hoos ku qoran: